秋香 (黃金海岸商場) (已結業)

有咩好得過有朋友住係附近，放工可以約埋一齊食過飯。見到呢間餐廳個名好得意叫#秋香就入左去🤣餐廳主打中、日Fusion菜，我地咩都想試就叫左個二人餐🙈🙈。大蜆味噌湯真係有蜆肉😆😆而且都幾鮮甜。威士忌燒蠔威士忌提升蠔肉本身既鮮甜，蠔唔算大隻，但食完會感到鮮甜齒頰留香，很不錯。日式磯煮鮑魚👍🏻第一次食呢種煮法，用醬汁同埋昆布慢火去炆，肉質鮮嫩彈牙，味道濃郁。炸物方面有唐揚雞件，外皮脆口，內裡肉質滑嫩juicy，咸香味道令人更開胃。廣島蠔肥美、飽滿，肉質鮮甜、嫩滑。吉列炸蝦，香脆鬆化、爽口鮮甜、肉質彈牙。一定要沾埋沙律蛋黃醬食😆。串燒盛有六樣野：和牛粒、手羽先、厚切日本黑豚、大啡菇、秋葵同埋菠蘿。我最鐘意厚切日本黑豚，肉質厚身但口感爽嫩，燒過後油脂香溢，少少鹽同埋燒汁調味，已經好好味。滑蛋蒲燒鰻魚煲仔飯肥美肉厚既鰻魚鋪係滑蛋上，賣相吸引。蛋香嫩滑，鰻魚都算肥美，煲底有🤏🤏飯焦，唔錯。甜品係兩個蛋卷仔，口感鬆軟，伴碟有小小生果，寫住welcome to autumn既字句，幾有心思😆。另外加錢叫左個柚子菊花蜜，清清熱好滋潤。