影片
更多
2023-10-18
15 瀏覽
先叫杯白酒試下佢，個人喜歡佢幾易入口，有種淡甜浮出黎，荔枝梳打就啱唔飲酒既朋友，又甜又清爽，好香甜既荔枝味，我地點左兩隻生蠔，強烈推介唔好沾任何醬汁，我地原隻食，十分濃郁既生蠔本身鮮甜味，唔洗加任何野最真實既味道，質感嫩滑，係喉嚨仲有餘韻久留，好幸福既感覺啊！魚乾配個七味粉沙律醬係幾好既開胃小食，前菜仲有個特色香烤牛骨髓配意大利多士，第一次見呢個菜式，原來烤左既牛骨髓有咁香濃既油脂感，配多士口感一流，松露蘑菇湯同椰菜花海鮮湯好飲，中意濃味啲可以揀前者，後者則清淡啲仲有啲椰菜花粒可以食，主角必點慢煮黑豚梅扒配威士忌黑魚子奶油汁，個豬扒口感肥瘦得宜，分佈平均，呢個醬真心高質，甜甜地質感細滑，塊肉本身已經好食多汁，有個醬係昇華左另一種味道，卡邦尼意粉製法特別，同平時既唔同，廚師用種較嗆口惹味既方法烹調，唔係淨係平時既奶香，意粉口感較乾爽，即融碎芝士加雜菌好味，最後結尾黎個火龍果啫喱，酸酸甜甜，為晚餐做個完美句號💕
張貼
