Noodle LAH! (已結業)

朋友請食飯，選擇了寫字樓區的一間新餐廳。呢啲區，夜晚真係比較少來，但好處係唔駛等位，又唔會比人趕，如果食物和環境都ok，呢度可以係一個好嘅敘腳點。餐廳面向政府總部,觀景唔錯。裝修和餐牌一樣簡潔。餐牌一頁紙包括了前菜，麵飯和飲品。每樣有7／8款，唔算很多選擇，但價錢亦唔算貴，飲品＄20-30，前菜 ＄30-40，麵飯＄70-80。飲品叫左’三酸’同’香茅荔枝凍飲’。三酸比較特別，好似係話梅，青檸檬同檸檬。前菜份量少，叫左每樣一碟，每人每樣可以試少少。唔記得晒啲名，最好食係春捲，沙爹同牛肉生菜包。最後，叫左四個麵一個飯。係貪心左啲，但每樣可以試吓嘛！又係唔記得晒啲名，同唔記得影相。最好食係海南雞飯，Pad thai 同一個辣蜆意大利麵。