元気寿司 (已結業)

lunch hour忽然口痕好想食壽司，所以就去左皇室堡地庫呢間隱蔽的元氣食個set lunch：P12:30去到竟然仲有好多位，很好呀等都唔駛等，即時可以入座～～～呢個就係set lunch A，已經係最豪華的一個，有壽司、冷烏冬、燉蛋、刺身、湯／汽水～未計加一＄78，都算係抵既。冷烏冬方面，個人就唔係太鐘意喇，佢係有D蔥同薑蓉係上面的，感覺上薑同冷烏冬的味道唔係好夾，加上成個烏冬的味道都好淡。而燉蛋都幾好食既，味道岩岩好，而且D蛋真係好滑呀！特別鐘意佢的菇，好好食，好有鮮味！壽司總共有七舊，除左下面一排果三舊，其他都好好食，特別係火灸三文魚壽司，真係有D smokey的味道！下面果排果三舊，如果我冇估錯應該係牛黎既，食上去牛肉有D un，加上D蔥亦唔係好香，太生喇，所以食落有少少辣添！刺身方面... 我諗應該係有最大的改善空間！雖然就只有四件刺身：三文魚同玻璃蝦，但係望落去都知道三文魚實在太瘦喇！如果肥D一定會好味好多！呢加的感覺唔夠香餐飲方面，我加左錢轉要蜜桃乳酸不過飲落味道好假，亦飲唔出蜜桃味，＋＄8 未計加一，感覺唔太值！