Simplylife Bakery Cafe (已結業)

好耐冇早起身食喇！放假醒左唔洗翻工，心情自然好🌞難得冇落雨當然要出街”wan yea sic”一解我肚裏面既空虛感。起身時又未夠鐘食lunch，如果去食早餐又好趕，冇耐又要食lunch/tea，結果又晏食晚飯;食完即訓又肥，於是我就去左simplylife食brunch😎十一點頭左右，未有好多人，好多街坊踢拖落黎食，非常悠閒。頭盤：磨菇湯配麵包暖暖既湯一入口有清新既感覺，絕對有驚喜。當初仲好擔心佢會係果d罐頭西湯結達達感，結果喜出望外地入口後順𣈱得直達胃部。麵包外脆內軟，因為我中意食法包，所以就感食都覺得非常合胃口。唯獨包與湯冇違和感，各有風味。主菜：芝士煙肉牛肉漢堡首先個包有烘過，所以食落暖暖地同時亦脆口d，略嫌有少許燶邊，影響左口感。芝士眼見熔左，即刻忍唔住咬一啖先。牛肉好juicy，seasoning非常出味，啖啖肉。唯獨我對煙肉有d失望，基本上煎下個煙肉就實冇失手，可惜好似冇乜煎過感，軟身冇口感，有d遺憾。整體作為brunch黎講唔錯既，份量夠曬，仲有我中意既薯皇style既薯條，對於我黎講絕對係稱心滿意既早上😋