影片
更多
2023-03-03
1266 瀏覽
阿根廷菜係香港都算少見，今次就專登襯restaurant week去試下依間入圍餐廳。餐廳位於中環Soho區，門口係鮮黃色嘅外牆框架，同橙色既室內設計遠遠睇都好醒神。阿根廷老闆亦都好熱情咁講解阿根廷出名嘅菜式，比我一個好深刻嘅印象。一入到嚟梗係叫番杯酒先，平時house wine就飲得多，阿根廷出產嘅就真係第一次飲。今次試左Alamos Malbec 2021，感覺都好易入口，單寧味唔會太重，好識合我依啲紅酒新手飲。Restaurant week menu係會有沙律/餐湯，一個主菜同埋一個甜品。首先店員會送上法包，細長身嘅法包配搭牛油都好鬆軟又充滿咸香，如果鍾意食嘅朋友可以無限添加。晚餐可以選擇沙律吧式者是日餐湯。沙律吧係自助形式，可以自由選擇配搭嘅沙律同埋醬汁。至於是日餐湯就係洋蔥湯，味道非常濃郁，但係特別嘅係一啲都唔酸，反而帶清甜嘅感覺。主菜Suprema De Pollo A La Napolitana 依款其實就係炸嘅無骨雞扒，中間加上火腿，最上層就加入厚厚嘅Mozzarella cheese同埋蕃茄醬。第一啖芝香味十足，跟住又食到蕃茄醬嘅酸味，同埋炸皮嘅香脆。值得一讚雞肉口感
，同橙色既室內設計遠遠睇都好醒神。阿根廷老闆亦都好熱情咁講解阿根廷出名嘅菜式，比我一個好深刻嘅印象。
一入到嚟梗係叫番杯酒先，平時house wine就飲得多，阿根廷出產嘅就真係第一次飲。今次試左Alamos Malbec 2021，感覺都好易入口，單寧味唔會太重，好識合我依啲紅酒新手飲。
Restaurant week menu係會有沙律/餐湯，一個主菜同埋一個甜品。
首先店員會送上法包，細長身嘅法包配搭牛油都好鬆軟又充滿咸香，如果鍾意食嘅朋友可以無限添加。
晚餐可以選擇沙律吧式者是日餐湯。沙律吧係自助形式，可以自由選擇配搭嘅沙律同埋醬汁。至於是日餐湯就係洋蔥湯，味道非常濃郁，但係特別嘅係一啲都唔酸，反而帶清甜嘅感覺。
主菜
Suprema De Pollo A La Napolitana
依款其實就係炸嘅無骨雞扒，中間加上火腿，最上層就加入厚厚嘅Mozzarella cheese同埋蕃茄醬。第一啖芝香味十足，跟住又食到蕃茄醬嘅酸味，同埋炸皮嘅香脆。值得一讚雞肉口感亦都軟腍，多重口感同埋味道合而為一，好有驚喜。
Grilled Ribeye Steak (Bife De Ojo)
店員介紹依款係產自阿根廷嘅西冷扒，即刻試下有咩唔同先。我就叫左五成熟，牛扒微微邊緣焦香，可以睇到中間心仲係粉紅色。味道比平時食開嘅美國牛扒更加濃，但係油脂就較對較少。
是日甜品就係Tiramisu同埋焦糖布丁，Tiramisu口感幼滑又充滿酒香味，另外焦糖布丁亦都Q彈嫩滑又充滿蛋香。
最後仲會有飲品，可以自由選擇咖啡或茶。我就飲番杯熱檸檬茶同埋凍咖啡。感覺阿根廷菜都幾有特色，同埋感受到阿根廷人嘅熱情，下次一定會再嚟。
人均💫298
如果唔想錯過其他好介紹，記得follow我呀😘
多謝大家！！！
張貼
