影片
更多
2014-03-09
5965 瀏覽
今次係第二次去the luxe，再返去係因為覺得呢間野嘅食物，環境，服務質數幾好，相比尖沙咀，中環係一眾fine dining ，我覺得絕對抵食同唔遜色。今晚8：00到，餐廳坐左8成，我地一行3人唔使等，坐左陣有位captain埋嚟介紹今日有啲special推介，二話不説，一囗氣叫左4個餸： foie gras poutine，lobster 闊條麵，Porterhouse Steak, surf & turf。等左陣，食物到，首先係foir gras poutine，份量大，鵝肝厚身，香濃，加埋芝士蛋醬撈薯條一齊食，絕對一絶，唯一美中不足就係太多，我地食唔曬。之後3道主菜都到啦，porterhouse： 肉質好嫩，叫左7成一啲都唔靭。至於 lobster 闊條麵份量適中，原隻波士頓龍蝦都幾重手，啲肉好彈牙，闊條麵配上龍蝦汁，鮮甜，麵質尚可。最後係 surf & turf: 其實少後悔叫左呢個，因為實在太飽，好彩朋友仲撐得住，美國西冷肉味好香，食落口無渣，龍蝦只有半邊，但份量亦不少，正。順便一提，餐廳環境坐得舒，有氣氛加幾寛趟，旺角甚少有呢種地方食飯。食物有水準，服務唔錯，主動，價錢都
今晚8：00到，餐廳坐左8成，我地一行3人唔使等，坐左陣有位captain埋嚟介紹今日有啲special推介，二話不説，一囗氣叫左4個餸： foie gras poutine，lobster 闊條麵，Porterhouse Steak, surf & turf。
等左陣，食物到，首先係foir gras poutine，份量大，鵝肝厚身，香濃，加埋芝士蛋醬撈薯條一齊食，絕對一絶，唯一美中不足就係太多，我地食唔曬。
之後3道主菜都到啦，porterhouse： 肉質好嫩，叫左7成一啲都唔靭。
至於 lobster 闊條麵份量適中，原隻波士頓龍蝦都幾重手，啲肉好彈牙，闊條麵配上龍蝦汁，鮮甜，麵質尚可。最後係 surf & turf: 其實少後悔叫左呢個，因為實在太飽，好彩朋友仲撐得住，美國西冷肉味好香，食落口無渣，龍蝦只有半邊，但份量亦不少，正。
順便一提，餐廳環境坐得舒，有氣氛加幾寛趟，旺角甚少有呢種地方食飯。
食物有水準，服務唔錯，主動，價錢都合理，可以推介一下。
題外話/補充資料：
落單前，記得留意或問 waiter menu 以外嘅special，因為生蠔，海鮮，主菜經常唔同。
(以上食評乃用戶個人意見 , 並不代表OpenRice之觀點。)
張貼
