翠苑甜品專家 (已結業)

入去門口諗住買外賣，筆糖水個阿姐見我企響度就問我係咪外賣，咁我就話係。見佢開始筆個糖水外賣但唔係我想order嘅嘢(梗係啦! 根本未有人落我個order)，咁我咪好心同佢講佢做緊嗰個唔係我想order嘅。好明顯佢當時聽到另一個阿姐落嘅一個堂食order，就以為個糖水係我叫嘅。點知佢啤到我實，然後話“問你係咪外賣，你唔好答呀嘛!” 我即刻r哂頭。我話咁我係外賣呀嘛，你問我係咪外賣，我梗係答係啦。佢仲繼續話我答佢搞到佢筆錯糖水。真係火都嚟! 明明係自己冇搞清楚啲單，仲可以無理取鬧。當然我最後冇幫襯佢啦!