豪隍點心 (已結業)

今次已經係第三次光顧豪隍點心！第一次係新開張時堂食，第二次係同同事買外賣，兩次感覺都唔錯。今日想食蒸飯就黎左呢度買外賣。同而家流行既點心店一樣，餐廳面積好細間，堂食一定覺得迫迫地，但豪隍既裝修比起其他算係靚好多；今次自己一個人食，點左冬GOO蒸雞飯$26同兩粒燒賣$13外賣$1好有禮貌同笑容既收銀職員如常咁提示我：即叫即蒸　要等大約廿分鐘。十八分鐘後有得拎。一打開既時候，即刻想講　會唔會細盒左DD飯既高度只係佔五分之一，其中一邊既飯如圖見底究竟係個飯盒太大定飯真係太少記得上次食既時候飯已經唔多，但絕對冇今次咁少。不過雞肉數量都算係咁。呢個燒賣料真係好充足，隻蝦真係好有蝦味，豬肉都幾結實，整體都算ok，不過都係覺得酒樓好食D。豪隍既外賣唔係用普通發泡膠盒，而且職員會自行放入豉油同辣椒油。不過我食點心都唔會用辣油，同埋我只係要左兩粒燒賣，覺得好浪費。其實可以問左客人有冇需要先丫，咁樣可以減輕成本又環保D。