S2 Kitchen (已搬遷) 新店位置

今日去咗中環一間居酒屋，特別嘅地方佢係一間黃店，所以引來好多人支持小店，店員好friendly，好溫暖嘅感覺。先來前菜係枝豆，仲會比隻碟仔裝住啲殼，店員周不時都會幫我地加熱茶，窩心又細心。北寄貝沙律好鮮甜新鮮，仲有啲海葡萄，沙律汁酸酸甜甜，好好食，好開胃。我哋仲食咗芝麻雞翼，個雞翼燒到脆卜卜，但係又唔會太乾，有肉汁，好味。炸蘆筍出面包咗紫菜，卷埋一齊食，蘆筍好爽口，有新鮮感。另外叫左個泡菜櫻花蝦炒飯，嘢食即叫即煮，熱辣辣。最後食咗個芝士蛋糕，好結實，芝士味濃，飯後甜品好滿足。