雪吧餐廳 (已結業)

翻咗工之後，原來真係會想去飲下野，relax下架，所以就趁住係尖沙咀食完飯，就去飲下野。落到去見到有大電視睇波，而且仲有好多部大電視，如果鐘意睇波既人去依間bar睇就岩晒呀。除咗大電視之外，佢仲有3部飛鏢機可以玩，嚟得bar既，除咗飲野，都會想玩下，所以我都比佢啲飛鏢機吸引咗。之後仲見到有一間房有人唱k，我估佢可以比人book房係入面唱k，成大班人有間房係方便啲玩，而且仲有啲私隱度添。我同男朋友2個人就想坐係度，靜靜地咁傾下計，依度個環境都幾好，佢有播background music，但係又吾會太大聲，所以都幾岩我地傾計。我地叫咗2杯cocktail，一杯係La Negie，依個幾得意，係放係個燈座上面，個杯仲有羽毛，好岩我影相。味道就好似奶茶咁，但係有酒味。另一杯叫Lost in forest，比佢個名吸引咗，但個感覺真係幾清新，同埋杯野係綠色都幾治癒。最後我地都抵擋吾住，叫咗杯Whisky，Macallan Sherry Oak，飲完落口之後，仲有whisky既酒味係個口度。