茶芝味 (已結業)

做人好多時候都係「知其不可而為之」，明明知道珍珠奶茶係有超肥，明明知道芝士奶蓋就梗係肥，明明知道飲一杯係肥過食一餐飯，但係有啲野真係唔係咁易控制，特別係對於一個芝士控黎講~~近年芝士奶蓋進軍香港，幾乎間間珍珠奶茶店都賣埋芝士奶蓋，但係當然唔係間間都好飲，睇咗坊間咁多介紹，知道葵廣呢間「茶芝味」就係平靚正之選，今日一場黎到當然要試番杯。為咗試出佢嘅原汁原味，我諗都無諗就揀咗「芝士奶茶」，D 芝士都RICH幾有口感，仲偏鹹鹹地，好正，不過因為我揀咗奶茶做底，我個人就覺得比較甜，下次可能揀返烏龍茶會比較好，但係總括黎講，佢嘅芝士奶蓋真係無得頂