芝士冰室 (已結業)

出深水埗玩具街(福榮街)逛逛，發現新開 《芝士冰室》，阿女好想試。看看餐牌，好多芝士芝士同埋芝士，無論撈麵、焗飯、薯餅、三文治、漢堡扒等等都可以有芝士嘅選擇，仲有個好有趣嘅，爆汁芝士雞扒。芝士薯餅餐肉芝士撈~鋪滿橙色芝士醬汁見唔到啲麵，陣陣香濃芝士味，入口黏黏，芝士控一定喜歡。兩件餐肉是厚切的，薯餅一咬開，溶了的芝士慢慢流出，熱辣辣又香又滑。芝士奶蓋抹茶牛奶~好大杯啊！厚厚芝士奶蓋，抹茶味夠濃。粉麵常餐流心芝士雞扒湯麵~雞扒肉質嫩滑，裏面有芝士流出嚟，好香呀！炒蛋火腿，牛油方包，加$5升級轉蒜蓉芝士餐包，呢個一定要試，芝士加蒜蓉真真夾，非常惹味。爆檸粒粒檸檬茶(凍)~原味都唔會好甜，味道清新。