一起果醬 (已結業)

今次大肚婆又係為咗scone而黎🤣一早聽過呢間嘅scone好好食，終於食到🤩🤤🌝英式奶油鬆餅餐💰72（scone x3+clotted cream+homemade jam)大肚婆🤰🏻揀咗桂花雪梨醬，招牌果然係招牌，scone最緊要唔可以太濕太漿口痴牙，又唔可以乾到冇朋友呢間嘅scone滿滿牛油香，仲要有微溫，一搽上clotted cream即溶，配埋好清新嘅桂花雪梨醬，簡直係味覺享受🤯仲要唔會太濕好似舊蛋糕咁，之前大肚婆食過啲網店嘅scone, 味道係好，但個質感點都爭啲😔Scone真係一樣好易整但又好難整得好嘅甜品🤣評分：10/10✨🌝果醬雪糕窩夫餅(💰68/half ;💰98/full)大肚婆🤰🏻叫咗half, 揀咗藍莓果醬，有兩大舊，仲有啲生果窩夫又係好出色，外脆內軟，即叫即整，藍莓醬酸多過甜，但都係好味嘅，好難唔好食🤣因為scone太出色，呢樣比下去咗😂評分：8/10🌚龍蝦汁海鮮意大利飯💰129唔好食，冇龍蝦味，又淡又濕又漿🥲評分：1/10總結：可以剩係黎食甜品！