花華 (已結業)

嚟到美食沙漠嘅馬鞍山...surprisingly搵到一間正正cafe...知道呢間食店嘅scone幾出名自己又鍾意食，於是好想試...去嘅時候，scones仍然焗緊...既然一場嚟到就等佢出爐啦...等到啦！新鮮熱辣，正！未食已經聞到香味...☺️先食scone嘅原味，好鬆軟，濕潤嘅，唔會乾到要飲水先吞到👍🏻Scone裡面有無花果 & 合桃...味道好清新，好討好，好鍾意。（係呀，食一啖已收埋電話，專心食，所以無再影相喇 XD）之後再試吓搽cream，好滑，奶感幾重。另一個係熱情果醬，超級大愛！因為自己好鍾意食熱情果，所以一見到就即刻心心眼😍味道超正，自家製無誤，完全無過甜，熱情果味好濃郁，配埋scone一齊食，真係不得了，好match。就算scone已食完，果醬依然冇被遺棄，一滴都唔浪費🤤去cafe點可以唔飲咖啡呢....凍Capp是也...為咗個scone，一定會再返嚟㗎！‼️ 食店門口有一級，去嘅時候已經full house。但目測，輪椅應該較難入。今次喺店外食，其實冇乜人經過，環境算靜。