Cova Ristorante & Caffe (已搬遷) 新店位置

早幾日約咗姊妹一同食lunch想搵一間環境較為幽靜又可以吃得舒服的地方, 我姊姊提議到金鐘樓上這間cova, 佢哋嘅 salad bar 加一個 main course 一般大約$280起， 價錢略為中高但 沙律吧整體質素都有番咁上下， 沙律菜同parma ham 好得， 至於main course多數 是意粉同risotto， 反而沒有想像中好不過都不過不失。 午餐有包咖啡或茶的。 同時可以加$60試他們當日的蛋糕， 其實已經吃得好足夠但因為cova蛋糕都比較出名所以我哋都嗌咗一件芒果蛋糕一同share，味道真的唔錯。不過美中不足是我們剛來到的時候， 有位waitress問要什麼飲品，對她說先給我們水， 但她就開了一瓶法國礦泉水給我們。 其實全餐廳每枱都提供不收費的普通水， 如要收費 她應該問我們要求什麼牌子的蒸餾水才order 但見她來到時後已把礦泉水開了就算了, 這樽礦泉水+10%後成為差不多一百個大洋。