Sauce (已結業)

昨晚在這間吃晚飯感到非常氣憤，真是不吐不快．本人與朋友們於晚上６時左右開始吃晚飯，大約７時半有位外籍女士進入餐廳（懷疑餐廳老闆），面上不帶半笑容不特止，每當大家剛吃完一碟菜式之後，佢就已經第一時間埋嚟拎走D嘢，仲快過某D茶餐廳或快餐店，而且呢個女士拎走D碟時，D碟係會喺你頭頂經過，亦唔會講excuse me, sorry, thank you 之類，非常唔尊重客人．我哋估由於佢係老闆，其他伙計亦不敢對佢作出咩批評或建議，而作為食客，第一佢D嘢食唔係特別令人回味，第二D態度就咁差，我哋就絕對唔會再比機會佢了．所以不得不在此向大家寫出我哋經驗及忠告．