GOGO Rock (已結業)

我地叫左兩個set dinner，可以免費享用自助沙律吧，沙律吧有車厘茄、羅馬生菜、木瓜粒、粟米粒、泰式粉絲等等選擇。隔離見到有生蠔吧，價錢$54起，每日會有約6至8款時令生蠔，買三隻送一，都抵食。餐湯 薯仔打得好均勻，整個湯好濃郁足料有蘑菇香。西班牙海鮮炒飯 有別於傳統用雙耳鍋盛載，呢到用大碟，賣相非常吸引，份量亦唔少。海鮮有虎蝦、炸魚條、原隻帶子、青口，好豐富，炒飯味道偏酸一啲，亦炒得夠濕潤。西班牙黑毛豬扒拼鵝肝 賣相好靚，薯片乾中間有個心型。黑毛豬扒夠厚身，肉味濃都有啲肉汁，點上配備既醬汁提昇味道。鵝肝煎得唔錯，夠嫩腍。Set dinner配有餐飲 咖啡或茶，仲有甜品 brownie。整體食物質素都唔錯，性價比幾高。環境幾寬敞，燈光暗但柔和，幾適合情侶黎慶祝。係牆上見到5月做緊啲優惠，另外所有飲品係3-8pm買二送一，都幾抵！