The Yell-Owl Seafood And Grill (已結業)

好耐冇食過西餐，講緊我個朋友，於是大家搵咗呢度，食好啲食得開心啲。好，坐低睇吓有咩好食先。叫咗兩個set dinner，好抵食，有南瓜湯，濃稠嘅湯好有南瓜味。白藜麥蕃茄沙律配自家製芝麻醬，雖然係前菜，都好大碟，蕃茄甜甜的，仲有健康白藜麥。香辣蕃茄汁巴馬火腿意大利飯，咸咸嘅parma ham，有兩大塊，個飯係辣辣地，掛滿蕃茄汁，飯粒煙韌有咬勁。燒紐西蘭肉眼配乾蔥忌廉汁燴薯粒及扒甘筍條，朋友仔話呢個肉眼好好食，叫五成真係五成，粉紅色嘅肉嫩嫩的，食落好軟腍。飲品叫左熱檸水、凍檸茶。焦糖牛角包窩夫配雪糕，夠邪惡，又有雪糕，仲有大大嚿cream，牛角包窩夫好脆好香口，又奶又酥。