圓老爺大排檔

營業中

休息中

中午食左呢間圓老爺，都幾多中式菜既 set lunch 揀，而且幾有鑊氣，大推👍🏻一坐底即上例湯清補涼，飲落有豬骨味，幾有家既味道。台式三杯雞三杯雞係砂煲熱辣辣咁上菜，我覺得以午餐黎講都幾少見，但茶餐廳既價位，好有心機。雞件份量都幾多，食落幾滑同唔係好肥，仲有落埋九層塔去煮，味道幾正宗台灣三杯雞，食落惹味。菜心苗炒肉片份量都係大大份，豬肉片切得比較薄身，所以食落易咬同滑身，見佢有特登煎一煎先再炒，整體都幾有鑊氣。菜心苗都幾好，唔老👍🏻Set lunch 除左有例湯送之後，仲有配野飲，基本都係雪櫃入面任揀同都幾多選擇。走時睇埋佢晚市個餐牌，以小菜計佢都唔算貴，百鬆蚊多啲。我覺得呢間煮餸幾好味同有鑊氣，可以再食。