Kaum @ Potato Head Hong Kong (已結業)

成日聽到expat 同事話呢間印尼菜有幾正，今日獨行俠嚟食個午餐 。做嘢遲咗差唔多兩點鐘先至到，成個場只有兩成滿感覺非常舒服，真係好有外國feel 同當自己放緊假。 接待員面口有一點方向性，不過唔緊要我嚟食嘢嘅。 裡面服務員都係講英文嘅年青人都幾細心啦。叫咗個雞湯飯同埋加多加多，始終味道調教都係視乎廚師係乜嘢鄉下同喺邊度學藝，所以都唔評論味道不過係會讓你去dap真啲嘅雞湯。沙律個醬調教得非常之過癮，越食越好食。 成分餐攞去五星級酒店賣完全合格。 唔知係咪係午市最後嗰一兩個客，食物分量都好勁抽。 講埋甜品呀係地道班蘭椰絲甜品，味道同埋賣相都真係滿分。 不過又咁話， 日光日白餐廳調暗燈光，味覺可能沒有那麼敏感，成餐飯9 out of 10。 埋單一百九十蚊，值，最緊要係冇浪費時間同食好西的quota。 有緣便再嚟。