夢の丼 (已結業)

今日要去西環果邊做野，所以順便約朋友係果附近食飯，我地一揀就揀咗呢間日式餐廳試下，室內佈置充滿木系格調，而廚房附近有一個吧枱，可以睇到廚師喺到處理食材。大滿足配壽喜燒汁 $198SHABU-SHABU大滿足有好多豐富海鮮同牛肉食材，包括有三文魚2切、青口2隻、虎蝦1隻、連殼帆立貝1隻、廣島蠔2隻、美國肥牛片4片、美國一口牛2粒，我地想試海鮮同肥牛既SHABU-SHABU，所以就揀咗大滿足。海鮮材料比較豐富，而且非常新鮮，特別係帆立貝同廣島蠔，如果想食海鮮既話，我建議下次可以配昆布鰹魚清湯/鯛魚湯底，更能夠帶出海鮮既味道。日本蠔 $76經理話佢地既日本蠔係由日本新鮮直送，食落果陣保留返原有既海水味，而且蠔好大隻，啖啖肉。鮑魚刺身(2隻）$116煮熟過既鮑魚刺身仍然保留彈牙口感，食到鮑魚原有味道。牛舌 $48白鱔 $58牛舌同白鱔燒得啱啱好，牛舌唔太韌，白鱔燒到脆卜卜。南瓜蕃薯天婦羅 $68天婦羅炸得唔油膩，好乾身，但食落又唔會太熱氣。