Pivo Czech Bar (已結業)

諗住去西九文化區之前，去圓方睇吓有咩好食，就揀咗呢一間捷克菜嚟試吓。第一次嚟到呢間餐廳，我哋嚟到嘅時候已經係下晝，所以唔算多人，嗌咗三款海鮮，有蝦、帶子同埋蜆，侍應生會拎住個藍色膠袋，入面裝住呢啲海鮮，然後shake成袋海鮮。揀咗白酒忌廉汁都幾好食，但係冇想像中咁特別。仲叫左一個帶子燴飯同埋甜品，個飯幾重蕃茄味唔係幾啱我口味，甜品就幾好食。海鮮到嘅時候有俾埋濕紙巾同埋圍裙，都算貼心，環境算幾有格調，暗暗地佈置有啲風格。