檸檬王

營業中

休息中

在中環工作，難得好近呢間檸檬王，對上一次幫襯仲係木頭檔嘅時候，已經好耐無來開呢度， 今次來已經變成排檔，門面光鮮，涼果種類好多，不過來到當時買甘草檸檬，阿姐好爽手即刻攞比我， 包裝都唔同咗，錫紙袋有zip，不過自己都覺得以前啡色紙袋配涼果多啲！ 回家打開錫紙袋，入面一包甘草粉，倒晒入去，再Shake Shake ! 一塊沾滿甘草粉嘅檸檬王出現了，檸檬肉唔乾，有咬口，檸檬醃得唔太鹹，味道好味不過$40（150克）幾貴！涼果小食用心做都可以好好味，不過已經唔係小時候一角幾毫就可以享受到嘅價格！