皇軒私房菜 (裝修中)

網上見到有人講一個好靚既「菊花豆腐」， 原來係黎自一間私房菜， 見到個價錢以私房菜黎講一D都唔貴， 三百幾蚊一位， 所以就同爸爸去試下 位置都唔算難搵， 不過目測應該只有幾張細枱， 地方唔算大， 但就好整潔 前菜係招牌乳鴿伴胡麻沙律 乳鴿皮脆肉嫩好好味， 沙律就伴左芝麻汁， 岩岩好中和左乳鴿既少少油膩 時令燉湯好好味～ 一人一盅， 湯料有雞、蟲草花。。。 好鮮甜～～ 蠔皇花膠鴨掌 炆得好入味～ 又唔會太淋， 花膠好大片～～ 香煎北海道帶子 初初以為飯好多， 原來只係一啖 XD 帶子下面既係好似沖繩果D花生豆腐咁既豆腐， 都幾特別 香草燒羊架 燒得都幾香， 不過就熟左少少， 羊架下面既紫薯茸幾好食～ 津菜玉荷包 中間個餡有D似粉果 XD 外型好靚而且有不同口感， 但一切開就散晒。。。。 但都係好味既 最後就係期待既菊花豆腐 真係好靚呀 靚到唔捨得食 伴埋暖暖既薑湯 感覺有D似食熱既豆腐花咁～ 好滿足