影片
更多
2021-04-15
968 瀏覽
同朋友行完一日Outlet，起東薈城揀咗食PizzaExpress，貪佢環境大坐得舒服。見到有一個新嘅期間限定餐牌，係西西里主題，意大利菜食得多，又好似無起香港食過西西里地中海嘅菜式，就嗌左幾款嚟試下。焗香草沙甸魚我平時好少食沙甸魚，但係朋友嗌咗我就試下，點知一試愛上！原來沙甸魚加咗醬再焗又幾香，它有少少洋蔥辣椒，我鍾意它酸酸嘅調味。少少沙甸魚+車厘茄+香草包，夾埋一齊熱辣辣咁食，好正。呢個菜式下次係一定會再嗌！西西里肉腸菠菜薄餅平時我薄餅都係食一塊就覺得夠，今次我同朋友竟然成個薄餅食得曬。薄餅芝士嘅香草味重，配搭西西里肉腸又幾夾。最鍾意嘅係佢有菠菜，令到薄餅口感多咗一份清新，食完又想食。茄子番茄寬條麵呢個闊條麵都幾特別，片切茄子+酸酸甜甜的酸豆/車厘茄，食落好開胃，亦都發現原來車厘茄同茄子的口感好夾。仲有我勁鍾意食嘅羅勒，有勁大塊羅勒葉好香！跟住我哋喺主餐牌揀咗一個我哋每次嚟都必嗌嘅烤焗雞翼，因為我覺得佢焗得好好食，雞翼焗得啱啱好金黃色，又多汁，搭蜜糖芥末醬食一流。最後我哋一人揀咗一款甜品，朋友的朱古力心太軟幾靚，流心朱古力+雲呢拿雪糕好好味。不過我覺得搭的山莓醬怪怪哋。我揀的Tir
焗香草沙甸魚
我平時好少食沙甸魚，但係朋友嗌咗我就試下，點知一試愛上！原來沙甸魚加咗醬再焗又幾香，它有少少洋蔥辣椒，我鍾意它酸酸嘅調味。少少沙甸魚+車厘茄+香草包，夾埋一齊熱辣辣咁食，好正。呢個菜式下次係一定會再嗌！
西西里肉腸菠菜薄餅
平時我薄餅都係食一塊就覺得夠，今次我同朋友竟然成個薄餅食得曬。薄餅芝士嘅香草味重，配搭西西里肉腸又幾夾。最鍾意嘅係佢有菠菜，令到薄餅口感多咗一份清新，食完又想食。
茄子番茄寬條麵
呢個闊條麵都幾特別，片切茄子+酸酸甜甜的酸豆/車厘茄，食落好開胃，亦都發現原來車厘茄同茄子的口感好夾。仲有我勁鍾意食嘅羅勒，有勁大塊羅勒葉好香！
跟住我哋喺主餐牌揀咗一個我哋每次嚟都必嗌嘅烤焗雞翼，因為我覺得佢焗得好好食，雞翼焗得啱啱好金黃色，又多汁，搭蜜糖芥末醬食一流。
最後我哋一人揀咗一款甜品，朋友的朱古力心太軟幾靚，流心朱古力+雲呢拿雪糕好好味。不過我覺得搭的山莓醬怪怪哋。
我揀的Tiramisu都好好食，我鍾意佢入邊質地夠軟滑，仲竟然有士多啤梨。
埋單每人都係二百幾蚊，但係我哋嗌嘅嘢應該夠三個人食，勁飽，好抵食！因為好鍾意食蕃茄同芝士，下次會再嚟食西西里菜！
張貼
