The Captain's House (已結業)

未食過Mr crab 知道佢既海鮮袋好出名。今日就係專登黎試既，西式海鮮袋就係精彩既，先揀料，螺，海蜆，海蝦，小龍蝦，墨魚仔，原隻魷魚都可以揀。最好係上而冇寫份量幾多，咁就可以一目了然，再揀堆醬就係最愛既海鮮袋•今日揀左海蝦 小墨魚仔海蜆每樣分別8隻。配上Cajun garlic sauce ，可以揀辣度。 個sauce 好正 佢辣得黎好開胃 但又吾會遮到原味。海鮮一樣鮮味，店員會拎個海鮮袋出黎，然後真係好香。裡面仲有薯仔，腸仔，粟米。兩個餐湯黑松露野菌忌廉湯-超creamy ,超多菇龍蝦湯-龍蝦味超重。芝士意大利焗蟹肉燒烤菇其實有幾款小食可以揀，雞翼或薯條都可揀但想食蟹肉，所以叫了蟹肉菇，菇水份仲keep 到。蟹肉量好足。個芝士亦好夠。食到好濃既芝士新英格蘭白酒海蜆意粉意粉上蜆肉都幾多架。而且隻隻都幾大隻。好香既白酒味，微辣，用作配海鮮袋都相當不錯。成個二人餐有齊以上$798可以揀紅白酒或者汽水。