Silver Mine Bake

營業中

休息中

今日路經上環，記得附近有一間出名賣麻糬波波嘅舖頭，所以順路去咗買嚟試吓！去到嘅時候係朝早9點半，啱啱遇到朱古力味新鮮出爐，買咗之後即刻趁熱食咗一粒，麻糬波波外皮脆脆地，裡面仲有流心嘅朱古力，朱古力味好香濃，而且一啲都唔甜。另外仲買咗肉鬆味，中間放滿肉鬆餡，外皮加咗黑芝麻，令味道冇咁單一，呢個鹹味嘅麻糬波波都值得一試！整體來講，呢度嘅麻糬波波口感唔算非常煙韌，但係好夠份量，外皮香脆夠厚，中間唔會係空心。