鮮蒲 (已結業)

心血來潮， 係後街望下有咩食，俾佢門的裝修吸引左，感覺好似係外國d小店咁，見到全港首創咁勁，又唔貴，試試都好有兩樣招牌，本來都選擇困難症，但見到後面可以淨餸，咁就決定要個錫紙貝殼沙河粉，我都想知咩係沙河粉，另要津市牛腩，原全未食過用高高得錫紙包住成碗粉，慢慢打開都係一種樂趣，望下沙河粉都其實係河粉，不過幼身d滑d，飲啖湯，好濃的海鮮貝殼味，食落都有開心感，而沙白都幾肥美，仲幾多隻，開頭我以為得面個幾隻，食下食下先發覺點解食極都有津市牛腩的牛腩，當然冧身啦，有點似台灣紅燒牛肉，但又無咁濃味，可以我食原味啦，一路食一路諗我可以點形容隻味呢，最後我只係諗到，個份味道似牛肉乾，個份牛肉香，幾有趣