Springfields (已結業)

老公話有一排冇行中環，放咗工就去走走，順道食埋嘢~行到半路，覺得呢間餐廳的大門很光猛，就順手推門走入去探個究竟。一行落樓梯，就見到個甜品櫃，款款甜品精緻，非常吸精。場內有個很大的開放式廚房，枱椅沿著牆邊一直排列，而且燈火通明，讓人坐起上來感覺精神。先來兩杯飲品，一杯 Iced Lemon Tean 和 一杯 Hot Chocolate。Tomato Soup味道香濃，仲有粒粒蕃茄，酸酸甜甜，仲好有咬口。Vegetables Soup把蔬菜湯和,表面嗰圈 CREAM 混合後飲用，口感很清新，而且滲出濃烈的蔬菜味，非常香滑。Chips薯條炸得很香脆，仲要係熱辣辣的。咬落外面甘香，裡面鬆軟，點埋醬汁格外惹味。Sassy Salmon呢個 Galette 包住的皮好似薯片咁脆，裡面的配料可不少的，有芝士、蛋、煙三文魚、紅蒜... 等等。各個配料搭埋一齊，感覺很鬆軟，跟外皮是兩種不同口感，但又相當夾。 Seafood Linguini意粉暖暖的很軟滑，而蝦很彈牙，配埋茄味，酸味味的，減少了膩口的感覺。