PLUMCOT

營業中

休息中

第一次食plumcot係同事買返黎做早餐，一朝早新鮮焗出黎既牛角包又脆又香牛油味令我一試愛上。再次驚豔就係人地送既plumcot月餅禮盒，每一件都好似蛋糕咁每款唔同口味水準都好高。今日終於親自黎到大坑店挑選想食既麵包同甜品好開心。店面唔大每次限2人入去購買，小小既麵包點心蛋糕擺放得好精緻每樣都想試。我根據之前睇過既食評同自己口味，撰左可麗露，朱古力曲奇，玫瑰貝殼蛋糕，芝士條。就算食完飯再食佢既甜品，都唔會覺得膩，好柔和既味道溫暖口感又保持濕潤。問店員牛角包可唔可以翻熱可惜唔得，下次黎一定要試到佢新鮮出爐既牛角包。