Simplylife Bakery Cafe (已結業)

今日同老婆去 Megabox 睇戲，臨睇前搵食，經德福去諗住坐接駁巴，但多人到爆，就行過去！見到冇咩人拎飛睇下等幾多張！估唔到5分鐘唔駛有位！入座後又選擇困難症上身！諗左好一陣...最後選左個食左唔會太飽既手扭粉！有湯同沙律選，我地都選左沙律！估唔到沙律都咁大份，仲有件唔細既包！個沙律菜好新鮮同醬汁配合都好好，好開胃！配埋胡椒碎好香！塊麵包好正！係我鍾意既款式！蕃茄蟹肉手扭粉，呢個都好好味，手扭粉好彈牙，軟硬適中！用蕃茄黎煮佢好夾！蟹肉既份量都唔少！呢道好舒服，星期六日黎嘆下都幾好 👍🏻