影片
更多
2021-04-14
19 瀏覽
諗住係peak season前食個最後晚餐😔，所以就揀左一間好啲嘅餐廳chill下。最後我哋揀咗呢間新開嘅餐廳。雖然呢度唔係好大，但係裝修佈置真係好有心思，見到牆上邊畫左舖頭名，每張枱都有一盞可以調校光暗顏色嘅造型燈，可以自己調校製造氣氛。見到原來佢有露天吧枱位，望住街景打卡一流，不過我哋夜晚嚟，有少少黑，所以唯有坐返去入邊，下次日頭先再嚟欣賞佢嘅景色擺設，同埋打卡。店員哥哥好熱情咁同我哋介紹嘢食，每拎嘢食上嚟嘅時候，都會話俾我哋聽有咩特色同埋食法，真係好貼心。結果我哋叫咗一個牛肝菌雜菌意大利飯，帶子香蒜橄欖油意粉，seafood chowder，半熟吞拿魚春卷配他他醬，時令生蠔配檸檬薄荷啫喱。個啫喱配生蠔出乎我意料之外地夾喎原來，啫喱可以令到個生蠔更加鮮甜，加埋隻生蠔夠晒肥美，用來做開胃菜啱啱好。個chowder都非常出色，比較重嘅忌廉味，湯亦都非常滑，有幾多海鮮料㗎。至於個半熟吞拿魚春卷配他他醬都好味，特登用咗蘿蔔絲配埋半熟吞拿魚，咁個吞拿魚肉就唔會太鞋，春卷皮亦都好脆，一篤落去就碎晒，配埋他他醬，真係好好味吖。呢個日本帶子意粉，可以見到用咗唔少帶子，而且每一粒都勁大粒，成隻手掌咁
最後我哋揀咗呢間新開嘅餐廳。
雖然呢度唔係好大，但係裝修佈置真係好有心思，見到牆上邊畫左舖頭名，每張枱都有一盞可以調校光暗顏色嘅造型燈，可以自己調校製造氣氛。
見到原來佢有露天吧枱位，望住街景打卡一流，不過我哋夜晚嚟，有少少黑，所以唯有坐返去入邊，下次日頭先再嚟欣賞佢嘅景色擺設，同埋打卡。
店員哥哥好熱情咁同我哋介紹嘢食，每拎嘢食上嚟嘅時候，都會話俾我哋聽有咩特色同埋食法，真係好貼心。
結果我哋叫咗一個牛肝菌雜菌意大利飯，帶子香蒜橄欖油意粉，seafood chowder，半熟吞拿魚春卷配他他醬，時令生蠔配檸檬薄荷啫喱。
個啫喱配生蠔出乎我意料之外地夾喎原來，啫喱可以令到個生蠔更加鮮甜，加埋隻生蠔夠晒肥美，用來做開胃菜啱啱好。
個chowder都非常出色，比較重嘅忌廉味，湯亦都非常滑，有幾多海鮮料㗎。
至於個半熟吞拿魚春卷配他他醬都好味，特登用咗蘿蔔絲配埋半熟吞拿魚，咁個吞拿魚肉就唔會太鞋，春卷皮亦都好脆，一篤落去就碎晒，配埋他他醬，真係好好味吖。
呢個日本帶子意粉，可以見到用咗唔少帶子，而且每一粒都勁大粒，成隻手掌咁大咁滯，帶子表面煎得香脆，唔會太燶，非常之彈牙，存在感極高，淨係粒帶子已經值回票價。
另一個主食牛肝菌雜菌意大利飯，意大利飯粒粒分明，唔會用咗太多芝士粉，所以唔會好漏，趁熱嘅時候撈均佢真係好食到停唔到口。
至於嘢飲我哋就叫左呢度嘅signature cocktail My Cup of Tea同埋做gelato express之前淨係聽店員哥哥解釋已經覺得好期待，好新奇，點知送到上嚟就更加得意。
My cup of tea呢一款嘢飲一樣價錢可以享受到兩杯酒，首先熱個一杯就用氈酒黎沖茶，加上綠茶糖漿，倒出嚟嘅時候就會可以用茶壺倒，真係好得意好似飲緊茶咁，相信因為溫度比較高令到酒味揮發，放入口嘅時候酒味揮發晒出嚟，但係飲落口其實唔係咁重酒味，非常有層次，第一啖飲到會係茶嘅香味，吞咗落去之後留喺口腔度嘅綠茶糖漿甜味，嗰種甜唔係死甜，係類似蜜糖咁嘅甜度；另外凍個一杯茶，一樣係氈酒沖嘅茶，不過就加上乳酪同蘋果汁，所以飲落去會再甜啲，容易入口，加埋少少冰碎，今次呢個層次感就有少少分別，先飲入口係有少少酒香同甜味，跟住落嚟就係少少酸味，真係令我好有驚喜。
另一杯Gelato Express，面頭頭嘅泡好厚，而且好挺身，唔講真係以為係奶筒，飲洛口先有酒味，跟住就到好濃嘅咖啡味，不過唔好以為啡又苦酒又苦，佢哋都好貼心，落咗啲蜜糖黎中和呢個苦味㗎。
今次呢度食嘢嘅體驗非常好，下次一定要日頭再黎，打個靚卡。
張貼
