巷仔見麵館 (已結業)

「巷仔見」係位於中環既大家樂快餐裹面既「店中店」，從格局已可知道應該係該集團想小試牛刀，睇下「Full Service」、近似泰興既商業模式可否殺出一條血路。臘味四寶煲仔飯（$64)：整體質素唔錯，飯完全冇痴底，但口感較硬比較難消化，呢度亦都唔見平時煲仔飯既飯焦，有少少失色。配料好似臘腸、排骨等等全部都好入味，算係不過不失。菠蘿咕嚕肉菜飯（$69)：咕嚕肉個汁非常之開胃，菠蘿、青椒等等既配料亦都好足，不過要批評既係D咕嚕肉好似細粒左D，size方面好似台式既鹽酥雞，有D「到喉唔到肺」！菜飯方面一般啦，可能平時食得大家樂多，感覺好快餐既感覺！煎釀三寶（半價$9)：原價$18，因跟餐加既所以只收半價$9。雖然有六舊好似好多咁，但D魚肉釀到紙咁薄，一貫大家樂集團style，不過咁既價錢就算佢啦！總括黎講，呢個價錢喺中環都有好多選擇，如果佢想「小試牛刀」，可以考慮唔好開喺大家樂快餐裹面，有自己舖就自不然可以「飛甩老土」去闖一片天空！