So Bar (已結業)

「蘇媽」姐妹店，係正The One隔離，設計有南洋風格，樓底夠高完全冇壓迫感，星期日仲會有live band，一邊聽歌，一邊同朋友飲野吹水，簡直係一大享受，夠哂chill。🐥雞串燒拼盤🐥$108燒雞皮，燒土匪雞翼同地獄麻辣雞肉串各有2串，雞皮燒得香脆唔油膩，麻辣雞肉夠滑夠辣好惹味，土匪雞翼亦夠入味，送酒一流。🐟燒鰻魚🐟$98鰻魚份量好足，而且好厚身，配上香甜鰻魚汁同紫菜碎，嫩滑多汁，啖啖肉。🐷BBQ汁燒豬肋骨🐷$188豬肋骨超級大塊，同朋友一齊食就岩岩好。肉燒得夠香口，肉質鮮嫩，一切就開，醬汁入味，底下鋪滿忌廉薯仔同泰式雜菜，奶香幼滑又夠refresh，好新穎配搭。🍹Lemon Tree🍹$118酒味比較濃同出，配上淡淡Earl Grey香味，不經意咁飲多幾啖。🥃Black and White🥃$128咖啡配上酒好夾，已且好creamy，兩者味道都好出。評語環境精緻舒適，週末有live band店員友善好客食物創新🐵推介：🍌🍌🍌🍌🍌（5🍌為滿分）📌So Bar地址：尖沙咀加連威老道10號加威中心地鋪#foodie #美食 #外食 #知己相聚 #foodielife #hkfood