Garden Bar & Restaurant

營業中

休息中

餐廳環境好chill，影相打卡一流，店員好細心服務超好！啱晒鍾意飲下酒同friend敘舊傾吓偈嘅朋友，本身餐廳仲有live band 可惜疫情期間暫停。提提大家因為餐廳係酒類所以防疫規定記住做快速測試喇！漬物拼盤(鰹蒜味噌，紅酒蕎頭，牛蒡醬酒): 雖然味道偏重，但唔會太鹹，越食越想食勁開胃！串燒(豬，雞): 燒得啱啱好，唔會太乾咬落去仲有汁，點埋個沙嗲醬簡直絕配，勁多花生粒，超惹味！黑松露什菌 Pizza: 極薄薄餅！友人掛住影相打卡雖然凍左少少但都勁脆！咬落去卡卡聲！黑松露配芝士勁香唔會好重口味，加埋什菌中和返唔會利！泰式燒豬頸肉: 燒得啱啱好，唔會太乾咬落去啲汁爆晒出嚟，側邊位仲燒到脆卜卜，點埋個泰式醬汁簡直絕配，不過唔食得辣嘅朋友就唔好點個汁喇！泰式烤全魚(鰂魚): 估唔到條魚咁大條！店員勁細心咁幫我哋起咗魚皮，條魚勁滑勁鮮甜多汁！唔點汁已經超好味，極推介！點埋個泰式醬汁更惹味！不過唔食得辣嘅朋友就唔好點個汁喇！提提大家條魚平日係好少有，如果想試嘅朋友就記得幾日前訂定喇！