So Good (裝修中)

Item: So Good
Rating: 5
Author: Tsangkamman

44 食評

味道

環境

服務

衛生

抵食

3209

屯門

$201-400

港式泰國菜酒酒吧動物友善餐廳

Tsangkamman

等級4

304

📍 So Good (屯門)
屯門掃管笏村路249號地舖

小旅行風泰國菜，唔洗飛都好似去左泰國咁呢到環境都大有分室外同室內，仲有個小公園俾小朋友玩，真係好岩一家大細去💗💗環境好到真係好似去左個小旅行咁，播埋泰文歌真係一流🎶🎶🎶

難得一家人黎，唔會放過可以叫勁多野食既機會🤤🤤🤤叫左個四人套餐
包頭盤，湯，咖喱，海鮮，主菜2個，仲有甜品！真係食到lam lam 脷😋😋😋😋
👉金柚鮮蝦沙律
😋😋😋😋.4/5
泰式金柚沙律，有大蝦，金柚，蕃茄，酸酸甜甜，開胃無辣之選，大蝦新鮮彈牙爽口☺️☺️☺️

👉冬陰功湯(四人份）
😋😋😋😋.8/5
叫左小辣，冬蔭得十分過癮,整鍋熱住上嘅冬蔭公湯入面勁多辣椒，香茅，葱，菇.…等等，勁足料！令到個湯勁有風味，佢入面有成四隻大大隻嘅大蝦！好新鮮，而且個蝦頭係充滿蝦膏！啲殼一搣就甩la!令到成個冬陰功湯都係充滿蝦膏嘅鮮味，真心超好飲！推！

👉青咖哩牛
😋😋😋😋.3/5
青咖喱牛，内有很多牛肉，很多豆角，泰式茄子，青咖喱再配上泰式香葉來煮，真是很香，味道甜甜辣辣，而且咖喱汁煮
得不結身，實在太好味，味道很適中！

👉泰式咖喱炒蟹
😋😋😋😋😋/5
炒蟹係招牌菜嚟，不能不點。蟹好肥美，好大隻蟹鉗！濃郁的咖哩汁附上蟹肉上,同蟹肉的鮮甜完美融合。個咖哩好香，食落好惹味！更添另一風味！忍唔住要用啲汁黎撈飯！😋😋😋

主菜(任選2款）
👉菠蘿海鮮炒飯
個炒飯好細心，有將肉鬆同腰果分開係側邊上，另外仲有新鮮菠蘿喺側邊，咁樣就可以自己去調配個份量，個炒飯足足半個菠蘿既份量，黃薑既香味配上菠蘿既酸
再加埋提子乾既甜味成個炒飯好有層次，味道上好有滿足感。😋😋

👉泰式蝦球炒金邊粉
😋😋😋😋
味道酸酸甜甜，另外帶啲煙韌既豆腐卜同爽口既芽菜仲有茄汁，椰糖同埋魚露，層次好豐富，夠晒惹味開胃～蝦球"夠晒大隻，鮮甜爽口，另外面層仲有香口既蛋，賣相好靚！味道都唔錯

👉馬拉盞炒泰國椰菜苗
😋😋😋😋😋/5
食泰國野我一定係叫椰菜苗！好嫩，食落又爽脆，而且高纖，好有益。馬拉盞炒得幾惹味，叉唔會太油淋淋d😋😋😋

👉 燒春雞
😋😋😋😋.5/5
打卡同味道都一流！原隻燒雞上枱，片
建議手撕食更有風味，雞皮皮薄唔肥膩，雞味濃郁，燒到邊位有少少焦香雞肉入味甜甜地，有啲似蜜汁燶邊叉燒嘅感覺
最正係肉質嫩滑爽彈，咬落仲爆哂汁超juicy！正正正

👉 泰式椰汁西米
😋😋😋😋.8/5
呢個勁泰式！佢勁香椰汁味，有少少鹹，但返而令個甜品更岀色，入面有芋頭粒，同埋佢啲一西米勁煙靭好好味💗💗值得食😆😆

另外佢勁多特飲，我地叫既果汁沙冰每款都係用新鮮水果，勁好飲！

回頭: Yes !!! 呢到真係一定會再嚟！員工勁nice，而且食物質素高，係正宗泰國人處理！😍性價比高！必定回頭！仲要餐廳空間極大，有私家公園同停車場，岩曬一家大細玩一日，放電！