Sugar Lava (已結業)

係工業區尋咗成日寶餓餓地於是想搵啲小食食下，見開源道有好幾間小食店最後決定試呢間Sugar Lava。舖位唔算好大，只設有幾個企位進食，但佈置好有心思，亦貼心提供紙巾使用。食店選用日本食材，梳乎厘有好幾種口味選擇，亦有好幾款醬料，配合唔同人嘅口味。梳乎厘製作需時20分鐘，難得嚟到決定試兩種口味。抹茶配楓糖漿，口味清新，淡淡嘅抺茶味加上清甜嘅糖漿剛好。朱古力配楓糖漿，朱古力味濃，有少少苦味，都唔錯。兩種梳乎厘食落都好鬆軟，熱食加上啲忌廉好soft好軟淋淋好得意呀！