影片
更多
2021-09-09
32 瀏覽
上次介紹完蘇豪區嘅一間好有feel既西式餐廳，今次就想介紹另外一間主打泰國菜嘅隱世餐廳！🍡椰青🍡青檸梳打🍡Skewers呢間店比較特色嘅係佢哋嘅醬料都係自家製，一款係泰式甜辣醬，比起一般出面食到嘅無咁甜同埋會比較辣！而另一款沙嗲醬則無咁重口味，但係蝦米味好香！▪️Wagyu HK$32和牛肉質超軟熟🤤咬落好juicy，配埋自家製醬汁好出色！▪️Naem sour pork sausage HK$36比較有咬口，感覺到絞肉既彈性，味道酸酸地，比較少係外面餐廳食到呢個味道！▪️Thai tiger prawn HK$48隻虎蝦真係好大隻，而且燒得好香，蝦肉仲要好有彈性！食完會想黎多一隻🤣🤣🍡Lemongrass ginger squab HK$88乳鴿側邊仲配埋蝦片，蝦片超級脆，乳鴿肉都好嫩！唯一不足嘅係用手食真係好狼狽！😂🍡Thai Basil Chicken Spaghetti HK$78呢個意粉有半份同一份叫，岩哂我呢啲想試多啲唔同菜既女仔！意粉好重青檸香茅味，同時都辣辣地！第一啖食其實會覺得冇乜特別，但係當食第二啖第三啖嘅時候就會慢慢食上癮，好似中咗毒咁！🍡Thailand on a p
🍡椰青
🍡青檸梳打
🍡Skewers
呢間店比較特色嘅係佢哋嘅醬料都係自家製，一款係泰式甜辣醬，比起一般出面食到嘅無咁甜同埋會比較辣！而另一款沙嗲醬則無咁重口味，但係蝦米味好香！
▪️Wagyu HK$32
和牛肉質超軟熟🤤咬落好juicy，配埋自家製醬汁好出色！
▪️Naem sour pork sausage HK$36
比較有咬口，感覺到絞肉既彈性，味道酸酸地，比較少係外面餐廳食到呢個味道！
▪️Thai tiger prawn HK$48
隻虎蝦真係好大隻，而且燒得好香，蝦肉仲要好有彈性！食完會想黎多一隻🤣🤣
🍡Lemongrass ginger squab HK$88
乳鴿側邊仲配埋蝦片，蝦片超級脆，乳鴿肉都好嫩！唯一不足嘅係用手食真係好狼狽！😂
🍡Thai Basil Chicken Spaghetti HK$78
呢個意粉有半份同一份叫，岩哂我呢啲想試多啲唔同菜既女仔！意粉好重青檸香茅味，同時都辣辣地！第一啖食其實會覺得冇乜特別，但係當食第二啖第三啖嘅時候就會慢慢食上癮，好似中咗毒咁！
🍡Thailand on a platter HK$178
小食拼盤主要有冬蔭魚糕，雞肉球，肉碎沙律，扎肉同埋蝦餅皮蛋！
我個人覺得比較有特色嘅係肉碎沙律同埋蝦餅皮蛋！
一般沙律都係以蔬菜為主，但原來呢個泰式沙律Larb Salad係用絞碎肉來作為主角！其實係似生菜包肉碎嘅感覺！碎肉香茅味超級突出同埋超級香，連埋蝦片一齊放落口，成個口腔都充滿住肉，對我呢啲食肉獸來講，真係好滿足！
蝦餅皮蛋都係一道我認為係必叫嘅菜式，蝦餅炸得超級脆，皮蛋本身軟腍既口感再夾埋好脆既蝦餅，食嘅時候外脆內軟嘅感覺，口感簡直好正！
張貼
