影片
更多
2023-07-09
42 瀏覽
又去SOHO搵好嘢食啦，今次朋友介紹咗呢間龍虎豹，應該都係我哋熟悉嘅嗰一本龍虎豹衍生出嚟嘅😂入到入邊好似返咗去老香港咁用咗街市嘅紅燈同埋昏暗嘅燈光感覺真係好中西合璧，好chill and chic。餐牌大致上都係日本菜，壽司串燒同埋少少熱食。Snapper Carpaccio 鯛魚薄切$158: 本身食魚其實好怕有骨，但係去到呢啲餐廳又費事淨係食普通嘅魚生刺身，所以就揀咗呢一碟。上菜嘅時候每一片都沈上芝麻同埋一小片嘅辣椒，本身仲諗住要點啲豉油先會有味，但係侍應同我哋講本身已經有少少醋浸住，所以其實唔使點都已經好鮮味。食上去好似有少少泰式生蝦嘅感覺，魚夠新鮮而且完全冇腥味，配上辣椒少少帶岀個鮮味。Dragon roll $188: 本身對卷物其實冇乜大興趣，因為覺得好似冇乜食到肉咁。今次既然嚟到就一於嗌佢最貴嗰個龍卷，一上菜已經覺得presentation贏晒，仲有牛油果花花喺上面點綴。底層係天婦羅蝦卷，上面嘅醬其實包含咗辣吞拿魚，蟹肉同飛魚子。咁樣嘅配搭，其實唔需要點太多嘅醬汁都已經好好味，有少少辣味之餘仲食到每一啖嘅飛魚子爆漿咁嘅口感，層次豐富，絕對值得推介。Spider roll
Snapper Carpaccio 鯛魚薄切$158: 本身食魚其實好怕有骨，但係去到呢啲餐廳又費事淨係食普通嘅魚生刺身，所以就揀咗呢一碟。上菜嘅時候每一片都沈上芝麻同埋一小片嘅辣椒，本身仲諗住要點啲豉油先會有味，但係侍應同我哋講本身已經有少少醋浸住，所以其實唔使點都已經好鮮味。食上去好似有少少泰式生蝦嘅感覺，魚夠新鮮而且完全冇腥味，配上辣椒少少帶岀個鮮味。
Dragon roll $188: 本身對卷物其實冇乜大興趣，因為覺得好似冇乜食到肉咁。今次既然嚟到就一於嗌佢最貴嗰個龍卷，一上菜已經覺得presentation贏晒，仲有牛油果花花喺上面點綴。底層係天婦羅蝦卷，上面嘅醬其實包含咗辣吞拿魚，蟹肉同飛魚子。咁樣嘅配搭，其實唔需要點太多嘅醬汁都已經好好味，有少少辣味之餘仲食到每一啖嘅飛魚子爆漿咁嘅口感，層次豐富，絕對值得推介。
Spider roll $88: 朋友每次見到原來太多一定會叫嘅，所以都為佢叫咗呢一個TG卷。配菜有芒果，紫蘇葉，飛魚子，當然仲有啲青瓜喺入邊，芒果同紫蘇葉配搭感覺好refreshing，有時卷物其實都會覺得有啲heavy，但係聰明地加咗紫蘇葉更加可以中和炸軟殼蟹嘅油膩。
明太子炸粟米粒$68: 本身喺openrice見到其他相己經好想嗌，真係抗拒唔到，仲要加上明太子，辣辣地甜甜地送酒一流。
串物方面叫咗日本五花腩$58，牛舌$68，秋葵$28同梅子醬雞$48: 質素唔差，用料食得出係高質嘅，個人比較鍾意牛舌同埋梅子醬雞，前者燒得脆身，但係唔會流失咗肉汁，梅子醬雞嘅梅子醬配紫蘇葉感覺開胃。
最後嚟到一間bar點會唔叫cocktail呢:
Kabuki Mule$125: 其實係純粹自己鍾意加左青瓜嘅g&t，所以對於我來講係必叫嘅，飲上去感覺refreshing，配上薄切sashimi就啱哂。
朋友反而想要啲甜啲嘅嘢，我哋睇咗食評之後就決定跟其他人叫呢一杯Pornstar$110，切合餐廳主題之外，都覺得有passion fruit liquor唔會太差嘅，朋友唔太飲得都覺得甜甜地易入口。
總結：餐廳感覺神秘，我覺得都好啱一大班朋友嚟呢度過一個愉快嘅friday night，之前問咗原來逢星期二全日都係happy hour添！食物質素方面都有返一定水樽，絕對會係我soho嘅another secret place ☺️
張貼
