Brick by Brick (已結業)

SOHO區不嬲都多好嘢食選擇想試下啲東南亞美食可以選擇brick by brick我最欣賞來自新加坡嘅菜式 最出名嘅海南雞飯 肉骨茶 喇沙等等全部喺呢度搵得到！店員態度非常好 介紹咗我食人氣招牌二人餐 有日式三得利黑啤雞翼 味道非常特別 每隻雞翼都大大隻 入晒味咖喱叻沙湯麵絕對喺呢度嘅主打佢可以三選一 包括有扎肉雞絲、鱻魚三寶同惹味肥牛堆 我最後揀咗肥牛牛 果然價廉物美 肥牛份量多 而且入口鮮嫩 仲有一個肉骨茶加上油炸鬼 少量辣椒 飲完湯底暖笠笠 佢哋啲排骨好大件再點上醬汁 鮮味十足仲跟咗碗白飯 包你食到飽唔好忘記仲有飲品 特色飲品唔使額外收費檸檬薏米水同香茅班蘭葉薑茶是養生好選擇而且真材實料 薏米水裏面啖啖薏米呢！