Uncle Pizza, Pasta & Grill (已結業)

Uncle Pizza, Pasta & Grill地址：中環伊利近街25號地下(G/F, 25 Elgin Street, SoHo, Central)今日喺中環附近放工，決定去蘇豪睇吓有咩好食。伊利近街街尾，見到呢間Pizza小店幾多人，個環境好適合。一個人食一個Pizza好似太Heavy，好彩佢地唔係淨係得Pizza，仲有好多正宗意大利意粉。叫左份 龍蝦汁帶子意大利粉，Linguine with Seared Hokkaido Scallops, Lobster Cream。有時遇到一些龍蝦汁菜式偏咸，今次呢個有味道剛剛好。帶子明顯有先輕煎，外層有陣脆感，裡面就軟熟而多汁。意粉煮得硬度適中，仲有露筍配合。本來想叫杯啤酒，餐廳剛剛轉緊Menu，入唔切貨，又想放縱一下，就叫多份朱古力心太軟。餐牌列明需15兵鐘準備，所以提早叫定。切出來，暖暖的朱古力流心流出來，加上雲尼拿軟雪糕，及士多啤李切片，配合得非常好。