UMI

營業中

休息中

好耐冇去Soho East食飯，經過呢間新日本餐廳，裝修好靚又新淨，見價錢合理就同朋友入去試吓🧐🧐可能真係新開冇耐唔多人知，7:30pm我哋先係第一枱客，啲卡位都好闊落，我哋五個人坐好舒服！8點前仲有happy hour，即刻叫返杯sake 飲先🍶Menu都唔算超多選擇，魚生、串燒、炸物各有幾款可以揀，如果可以有埋圖片就更加幫到大家做選擇喇！😎前菜我哋叫咗雜錦魚生沙律同埋炸雞，唔知係唔係廚房未做得熟手，都等得有啲耐，不過傾傾吓偈就好快過。兩樣嘢都好好食，魚生好厚切🤤尤其是個炸雞真係好Juicy，下次再嚟必點！🤤主菜我哋叫咗軟殼蟹卷、辣三文魚卷、鵝肝鰻魚炒飯（唔記得影相）、雜錦串燒、雜錦天婦羅同埋刺身三點。食到辣嘅朋友千祈唔好錯過辣三文魚卷，佢哋用咗墨西哥辣椒Jalapeño🌶️，超級惹味，係我嘅favourite！（有六件，但食到一半先記得影）另外雜錦天婦羅亦都喜出望外，個炸衣好薄好出色！其他食物都水準以上，睇得出廚房係有心機做！臨走時同啲員工傾偈，佢哋話一月中開始會開放埋shabu shabu，係一人一鍋嘅buffet，咁就有機會再返去試吓喇！