The Italian Club- Wine Bar, Steak House & Pizza Gourme (已結業)

星期日係中環同老公食返餐浪漫既晚餐。首先送上Welcoming drink氣泡酒同餐包。Cold Cuts & Cheese Board食得出食材好高級，三種火腿都好出色，芝士味道濃郁，好適合配麵包食。Culatello Di Zibello 被譽為係the King of Parma Ham，果然味道更香，肉味更出，亦一啲都唔死鹹，正。Devil Pizza係我鍾意有麵包口感既批邊，好軟熟，辣肉腸好惹味，味道會有攻喉嚨既辣度，好刺激。NZ Tenderloin同熱住既鐵板一齊上，所以叫左medium rare，靚牛當然有牛味，充滿肉汁，肉質軟腍，仲有四種醬汁提供。Oven Baked Parmigiano Reggiano Baby Spinach 菠菜同芝士一齊焗，充滿鹹香感。Black Truffle Roasted Potatoes黑松露係一片片既，聞落好香，同薯仔好夾。Whiskey Cream Tiramisu口感好綿滑，甜度適中，好好食。Whisky Cream Cheesecake味道好特別，同一般芝士蛋糕唔同，反而有啲似前菜既芝士。當然要嘆番杯紅酒啦。