居食屋「和民」 (已結業)

一次同屋企人嘅聚會，八個大人兩個小朋友當然希望搵一間可以有房嘅地方。其中一個小朋友好鍾意食和民，於是我哋就揀咗太子一間和民貪佢有間房可以夠我哋咁多人坐。其實呢間太子嘅和民我都曾經幫襯過好多次，印象中食物都係OK嘅。今次去到第一下就已經扣分啦，間房超熱，唔知係冷氣壞咗定係冇冷氣定係有冷氣都咁熱。不過佢嘅員工都算係幫到啲手，俾咗一啲小風扇我哋，但係吹左唔夠1分鐘就冇電。我哋都係照平常咁樣叫Pizza、和民沙律、韓式石頭飯、鯖魚、壽司同刺身等等十幾廿樣野。今次食覺得食物嘅味道好似唔及其他嘅和民分店，呢次之後我就再冇幫襯過。