Soul9+ (已結業)

錦屏街條小巷好多美食，今次搵左間西餐廳試試。間餐廳好多一家大細黎食，幾溫情。餐廳裝潢得好有格調，店內佈置左好多好有特色嘅裝飾，好啱打卡呃like。我地揀左一個主菜連套餐、一份漢堡及一份小食。首先上枱的是套餐的沙律同餐湯，栗米湯味道淡淡地幾易入口，而沙律菜清新爽口，加埋黑醋汁酸酸甜甜好開胃。啤酒漿洋蔥圈即叫即炸，食落香脆可口，沾上自家制他他醬一齊食感覺唔會太膩啱啱好。北美銀花鱸魚煎到金黃色，魚肉鮮甜嫩滑。薯蓉有香濃嘅忌廉味，加上黑松露令味道更突出，另附有沙律菜中和一下油膩感。牛肉漢堡一上枱散發好香嘅黑松露味，咬落啖啖肉好juicy。薯條好香脆，入口仲熱辣辣好好食。另外叫左餐飲。