影片
更多
2023-03-17
17 瀏覽
好少嚟上環呢邊，今次上網見到有sourdough 嘅pizza就俾佢吸引咗嚟！餐廳環境較似美式嘅酒吧，見到每逢星期六夜晚都會有karaoke night，而且平時仲會有2小時free flow 唔同酒精飲品，每位$300，包括嘅飲品有好多：啤酒、梳打、House Red & White、罐裝Higherthan, Highball、果汁等都有，放工嚟chill下都好抵！食物方面，叫咗2人餐，每位$238，前菜有扭扭薯條，大大碗嘅扭扭薯條配上茄茸醬，下酒一流！余均益炸雞翼，中西合璧嘅做法第一次係美式餐廳見到，雞翼本身好大隻，皮脆肉嫩，面頭再加埋余均益辣椒醬，其獨特嘅酸酸辣辣真係辣得好過癮！腐乳汁凱撒沙律，原本以為會好重口味，但原來腐乳味唔太重，同平時食開嘅沙律都係差唔多。辣肉腸菠菜薄餅，sourdough嘅批底，食落真係煙煙韌韌，口感同平時嘅好唔同～pizza 用咗大量芝士，拎上手會拉絲，菠菜雖然唔算好多，但菠菜嘅味道就好出，再加埋辣肉腸粒粒，帶少少微辣～食咁多香口食物點少得叫返2杯啤酒～餐廳有好多款特色tap beer選擇，唔知邊款啱自己嘅都可以叫職員介紹同埋先試味，確保每位客人都有啱
好少嚟上環呢邊，今次上網見到有sourdough 嘅pizza就俾佢吸引咗嚟！餐廳環境較似美式嘅酒吧，見到每逢星期六夜晚都會有karaoke night，而且平時仲會有2小時free flow 唔同酒精飲品，每位$300，包括嘅飲品有好多：啤酒、梳打、House Red & White、罐裝Higherthan, Highball、果汁等都有，放工嚟chill下都好抵！
食物方面，叫咗2人餐，每位$238，前菜有扭扭薯條，大大碗嘅扭扭薯條配上茄茸醬，下酒一流！
余均益炸雞翼，中西合璧嘅做法第一次係美式餐廳見到，雞翼本身好大隻，皮脆肉嫩，面頭再加埋余均益辣椒醬，其獨特嘅酸酸辣辣真係辣得好過癮！
腐乳汁凱撒沙律，原本以為會好重口味，但原來腐乳味唔太重，同平時食開嘅沙律都係差唔多。
辣肉腸菠菜薄餅，sourdough嘅批底，食落真係煙煙韌韌，口感同平時嘅好唔同～pizza 用咗大量芝士，拎上手會拉絲，菠菜雖然唔算好多，但菠菜嘅味道就好出，再加埋辣肉腸粒粒，帶少少微辣～
食咁多香口食物點少得叫返2杯啤酒～餐廳有好多款特色tap beer選擇，唔知邊款啱自己嘅都可以叫職員介紹同埋先試味，確保每位客人都有啱自己口味嘅tap beer!
Black Kite, 好香熱情果味，飲落甜甜地
Neonotic Cider, 呢款會俾Black Kite再甜啲，好易入口
張貼
