Hushush Ice Cream Coffee (已搬遷) 新店位置

位於西貢嘅一間咖啡小店，已經有好多美食博客曾經介紹過呢間小店嘅手作雪糕（佢哋嘅威士忌雪糕真係好出色㗎）。之不過今日小編想介紹嘅係，佢哋嘅咖啡，同埋可可飲品。第一杯咖啡叫做「Spanish Latte」，特別之處係加入自家製嘅煉奶同埋雲呢拿配方，調配出一種特別順滑濃郁嘅口感，單飲咖啡嘅話就會覺得容易入口，牛奶味同埋咖啡味配合不俗，兩者十分之夾。如果邊食雪糕邊飲咖啡嘅話，則會覺得咖啡味特別出眾！（小編更喜愛兩者同步，加強左咖啡嘅香濃衝擊）。第二杯就係Rich Cacao，即係用上濃厚嘅可可豆沖製成嘅飲品，當中加入左忌廉及牛奶，讓整體保持濃厚嘅同時，亦都變得更加香滑。店員特登配送一粒完整可可豆讓顧客品嚐無添加嘅味道，細細啖咁咀嚼，真係好香，愈咀嚼愈可口。喺寒冷嘅冬日，飲番一杯暖可可，真係好幸福啊～小店十分之有心思，會用精美嘅器具盛載美食，例如銀器嘅杯墊，細緻嘅杯具套裝，或係精美嘅匙羹。極致化呢一個美食嘅體驗。近日天氣轉寒冷，大家注意保暖呢～hushush ice cream . coffee售價：Spanish Latte $55；Rich Cacao $52（不設加一)地址：西貢福民路58