Please Don't Tell (裝修中)

Speakeasy bar近年大行其道，主打神秘風格，入口唔知係邊度，就算搵到個入口，你都唔知點樣去開到門提示：皇后大道中入口見到地下酒吧行前兩步轉左有幾級樓梯可以上到去一個類似lift口或者係電話亭嘅地方，搵到有個電話亭就啱㗎啦，電話嘅上邊亦都寫咗你點樣先可以開到門，我喺度就賣下關子啦老老實實，入到去間酒吧地方唔算大，裝修幾有格調，但係又未至於好特別，叫咗兩杯嘢飲嚟飲，Cocktail唔算好特別，反而叫咗個嘢食，類似中式炒腸粉，好香口，用嚟送酒一流。性價比方便中規中矩，一杯飲品大概都要$130-160，叫過嘢食都大概$120左右，cocktail 唔算太特別，服務亦唔算到位，可能我個日去人多，waiter 好似唔係好得閒serve我地咁。