影片
更多
2018-06-16
759 瀏覽
餐廳喺大角咀食街之一嘅博文街。門面左上角Starry Night嘅藍光招牌燈箱好有夜空感覺。室內裝潢都係精心佈置：髹咗唔同顏色嘅木枱木櫈噴上Starry Night字樣；復古風格嘅吊燈同掛鐘；枱上嘅別緻小盤栽，心情都即刻愉快起嚟。Mocktail【Virgin spins Colada】充滿鮮果味嘅Mocktails，有菠蘿汁、橙汁、椰子cream再加糖漿，上面再有薄荷葉。飲落菠蘿味較橙味突出，而椰香就令味道更豐富，薄荷葉感覺清涼，好適合夏天飲。【Virgin Mary】番茄汁、檸檬汁、青瓜、鹽、胡椒粉、辣椒仔、喼汁，辣酸鹹三種味道嘅飲品應該係小眾之選，但我就係每次飲Mocktail都會揀。三種味道都幾平衡，不錯。威靈頓牛柳套餐(2人用)$598Starter【日本磯燒鮑魚】 搽咗醬油再燒嘅鮑魚，咬落非當爽彈，用醬油燒出嚟更突顯鮑魚本身嘅鮮甜。配上田園沙律同番茄沙沙感覺清新。【輕煎鵝肝】鵝肝嫩滑帶恰到好處嘅羶味，由於輕煎再加上配咗蘋果紅酒汁冇乜油膩感。配有三片香脆多士，鍾意可以食埋鵝肝多士～Soup【周打蜆湯】口感好creamy，飲落奶香味濃，用麵包粒蘸湯嚟食好正。材料有兩隻鮮甜大蜆、
室內裝潢都係精心佈置：髹咗唔同顏色嘅木枱木櫈噴上Starry Night字樣；復古風格嘅吊燈同掛鐘；枱上嘅別緻小盤栽，心情都即刻愉快起嚟。
Mocktail
【Virgin spins Colada】充滿鮮果味嘅Mocktails，有菠蘿汁、橙汁、椰子cream再加糖漿，上面再有薄荷葉。飲落菠蘿味較橙味突出，而椰香就令味道更豐富，薄荷葉感覺清涼，好適合夏天飲。
【Virgin Mary】番茄汁、檸檬汁、青瓜、鹽、胡椒粉、辣椒仔、喼汁，辣酸鹹三種味道嘅飲品應該係小眾之選，但我就係每次飲Mocktail都會揀。三種味道都幾平衡，不錯。
威靈頓牛柳套餐(2人用)$598
Starter
【日本磯燒鮑魚】 搽咗醬油再燒嘅鮑魚，咬落非當爽彈，用醬油燒出嚟更突顯鮑魚本身嘅鮮甜。配上田園沙律同番茄沙沙感覺清新。
【輕煎鵝肝】鵝肝嫩滑帶恰到好處嘅羶味，由於輕煎再加上配咗蘋果紅酒汁冇乜油膩感。配有三片香脆多士，鍾意可以食埋鵝肝多士～
Soup
【周打蜆湯】口感好creamy，飲落奶香味濃，用麵包粒蘸湯嚟食好正。材料有兩隻鮮甜大蜆、魚肉、薯粒，材料份量唔少，大滿足。
主菜【白酒蟹肉燴飯】由北海道蟹膏、蒜、帕爾馬芝士、白酒製作成Creamy醬汁嘅risotto，有黑蟹籽點綴，上面大隻炸軟殻蟹，旁邊仲有唔少蟹肉。啱晒我呢個蟹迷。Risotto食落有少少偏鹹，但啖啖軟滑口感，軟殻蟹亦夠香脆，用料十足，相當唔錯。
【傳統英式威靈頓牛柳】由於威靈頓牛扒做法較為花工夫所以喺一般西餐廳比較少見。牛柳上面有一層鵝肝醬同釀野菌、rosemary同火腿嘅酥皮。酥皮香脆可口、野菌有咬口、三成熟嘅牛柳軟腍肉質紅潤多汁，三種口感之餘味道又多層次。配有田園沙律有肉有菜夠平衡。
呢個二人餐冇甜品，感覺未臻完美。但整體食物水準高，材料豐富，我哋都相當滿意。
張貼
